Real Madrid ta ziyarci Deportivo Alaves, domin buga wasan mako na 18 a La Liga ranar Alhamis a Mendizorroza.
Real Madrid ta doke Alaves gida da waje a bara, inda ta je ta ci Alaves 4-1 ranar 14 ga watan Agustan 2021,
Sannan ta dura 3-0 a Santiago Bernabawo ranar 19 ga watan Fabrairun 2022.
Tuni Carlo Ancelotti ya sanar da ‘yan wasan da Real Madrid ta je da su Alaves.
‘Yan wasan Real Madrid:
Masu tsare raga: Lunin, Kepa da kuma Fran.
Masu tsare baya: Nacho, Lucas V., Fran García, Rüdiger, Tobias da kuma Asencio.
Masu buga tsakiya: Bellingham, Kroos, Modrić, Valverde, Tchouameni, Ceballos da kuma Nico Paz.
Masu cin kwallaye: Rodrygo, Joselu, Brahim da kuma Gonzalo.
Real Madrid tana mataki na biyu a teburin babbar gasar tamaula ta Sifaniya da tazarar maki biyu tsakaninta da Girona ta daya mai maki 44.
Ita kuwa Alaves tana ta 14 a kasan teburi da makinta 16.
A jiyan Barcelona ta koma mataki na ukun teburi,, bayan da ta yi nasara a kan Almeria da ci 3-2.
Barcelona ta hada maki 38, Atletico ce ta hudu mai maki 35.
Wasannin da za a buga ranar Alhamis 21 ga watan Disamba:
- Real Mallorca da Osasuna
- Real Betis da Girona
- Cadiz da Real Sociedad
- Deportivo Alaves da Real Madrid