Tawagar kwallon kafa ta Netherlands da ta Romania da kuma ta Switzerland, sun samu gurbin buga Euro 2024.
Hakan ya biyo bayan nasara da suka samu a wasannin da suka buga ranar Asabar a rukunnansu.
Wout Weghorst ne ya ci kwallon a minti 12 da take leda a Amsterdam, hakan ya sa Netherlands ta yi ta biyu a rukunin farko da Faransa ta ja ragama.
Ita kuwa Romania ta yi nasarar doke Hungary da cin 2-1 a rukuni na tara, wadda aka fara zura wa kwallo daga baya ta farke ta kara.
Da wannan sakamakon Switzerland tana da tabbacin zama cikin ‘yan biyun farko a rukunin duk da tashi 1-1 da Kosovo da ta yi a Basel.
Wasannin da za a buga ranar Lahadi:
Hungary da Montenegro
Serbia da Bulgaria
Belgium da Azerbaijan
Sweden da Estonia
Scotland da Norway
Spain da Georgia
Liechtenstein da Luxembourg
Bosnia And Herzegovina da Slovakia
Portugal da Iceland
