Barcelona za ta karbi bakuncin Girona a karashen wasan mako na 16 a La Liga ranar Lahadi.
Kungiyoyin sun kara a bara, inda Barcelona ta je gidan Girona ta ci 1-0 ranar 28 ga watan Janairun 2023.
A wasa na biyu kuwa a gidan Barcelona ranar 10 ga watan ga watan Afirulun 2023 sun tashi 0-0 ne.
Girona mai maki 38 tana ta biyu a teburin La Liga, yayin da Barcelona tana mataki na uku da maki 34.
A ranar Asabar Real Madrid ta je ta tashi 1-1 a gidan Real Betis, hakan ya sa take da maki 39.
Jude Bellingham ne ya ci wa Real Madrid kwallon, kuma na 12 a LaLiga a kakar nan.
Wasannin da za a buga ranar Lahadi a La Liga:
- Atletico Madrid da Almeria
- Granada da Athletic Bilbao
- Cadiz da Osasuna
- Barcelona da Girona