Za a buga wasan karshe a Copa del Rey na bana tsakanin Athletic Bilbao da Real Mallorca ranar Asabar a filin wasa Estadio La Cartuja.
Athletic Bilbao ta kawo wannanzagayen bayan da ta doke Atletico Madrid 3-0 ranar 29 ga watan Fabrairu, ita kuwa Mallorca doke Real Sociedad ta yi 5-4 a bugun fenariri, bayan tashi 1-1 ranar 27 ga watan Fabrairu.
Sakamakon wasan La Liga da suka kara a bana tsakaninsu
Spanish La Liga Juma’a 2 ga watan Fabrairun 2024
- Ath Bilbao 4 – 0 Mallorca
Spanish La Liga Lahadi 3 ga watan Satumbar 2023.
- Mallorca 0 – 0 Ath Bilbao
Bilbao ita ce ta biyu a yawan lashe Copa del Rey mai 23, Barcelona ce kan gaba mai 31, Real Madrid 20 ne da ita da Mallorca mai daya, wanda ta dauka a 2002/03.
Real Madrid ce mai rike da Copa del Rey na bara, bayan da ta ci Osasuna 2-1 ranar 6 ga watan Mayun 2023.
