Barcelona ta doke Atletico Madrid da cin 1-0 a wasan mako na 15 a La Liga ranar Lahadi.
Kungiyar da Xavi ke jan ragama ta ci kwallon a minti na 28 ta hannun Joao Felix.
Wannan shi ne karo na hudu da Barcelona ta ci 1-0 a La Liga a bana, wadda ta ci uku a gida da daya a waje.
Barcelona, wadda ke fama da ‘yan wasan da ke jinya ta ci kwallo 28 a La Liga kawo yanzu, an zura mata 14 a raga.
Da wannan sakamakon Barcelona ta koma mataki na ukun teburi da maki 34, ita kuwa Atletco mai kwantan wasa ta koma ta hudu da maki 31.
Real Madrid ce ta daya a kan teburin La Liga da maki 38, iri daya da na Girona ta biyu.
Jadawalin wasannin mako na 16:
Ranar Juma’a 8 ga watan Disamba
- Getafe da Valencia
Ranar Asabar 9 ga watan Disamba
- Deportivo Alaves da Las Palmas
- Real Betis da Real Madrid
- Villarreal da Real Sociedad
- Real Mallorca da Sevilla
Ranar Lahadi 10 ga watan Disamba
- Atletico Madrid da Almeria
- Granada da Athletic de Bilbao
- Cadiz da Osasuna
- FC Barcelona da Girona