An kama tsohon shugaban hukumar kwallon kafar Spain, Luis Rubiales ranar Laraba kan zargin rashawa da cin hanci.
Daga baya an sake shi, bayan da aka tsara shi a birnin Madrid.
Ana zargin ya karbi wani kaso mai tsoka lokacin da aka kulla yarjejeniyar buga Spanish Super Cup a Saudi Arabia.
Masu shigar da kara na fatan za a daure Rubiales shekara biyu da rabi – zargin da musanta hannu a ciki.
Bayan da ya sauka a jirgin sama, sai jami’ai suka saka shi a wata bakar mota tare da jami’an tsaro, daga baya aka sake shi bayan da ya amince zai halarci kotu ranar Alhamis.
Aa watan jiya aka yi bincike a gidan Rubiales lokacin da yake Dominican Republic.
Haka kuma ana jiran ranar da za a gurfanar da Mr Rubiales gaban kotu, bisa zargin sumbatar Jenni Hermoso a lebe a lokacin gasar cin kofin duniya a Australia da New Zealand.
Dalilin haka ne ya sa Mr Rubiales ya ajiye aikin shugabancin hukumar kwallon kafar Spain..
