Liverpool za ta kara da Fulham, Chelsea da Middlesbrough a wasan daf da karshe a Carabao Cup da aka raba jadawali a jiya Laraba.
A jiya Liverpool ta dura kwallo 5-1 a ragar West Ham, Fulham kuwa doke Everton ta yi a bugun fenariti a Godison Park.
Chelsea ma a bugun daga kai sai mai tsaron raga ta kai wannan matakin bayan nasara a kan Newcastle United ranar Talata.
Ita kuwa Middlesbrough doke Porte Vale 3-0 ta yi kamar yadda ta yi mata a wasan karshe a 1998.
Za a buga daf da karshe gida da waje a Carabao Cup ranar 8 a kuma yi wasa na biyu ranar 22 ga watan Janairun 2024.
Jadawalin Carabao Cup:
Liverpool da Fulham
Middlesbrough da Chelsea