Real Madrid ta ziyarci Union Berlin, domin buga wasa na shida a rukuni na uku a Champions League ranar Talata.
Tuni Real Madrid mai Champions League 14 ta kai zagayen gaba da maki 15, ita kuwa Berlin maki biyu ne da ita.
Haka kuma a dai rukuni na uku a daren nan za a fafata tsakanin Napoli da Sporting Braga.
Ranar 20 ga watan Satumba, Real Madrid ta ci Union Berling 1-0 a Spain, yayin da Napoli ta je ta doke Braga 2-1 a daya karawar rukuni na uku.
Napoli tana da maki bakwai, yayin da Sporting Braga keda maki hudu, za a kammala wasannin karshen rukuni ranar Talata.
Wannan shi ne wasa na biyu da Real Madrid za ta fafata da Union Berling a gasar ta zakarun Turai.
‘Yan wasan Real Madrid:
Masu tsaron raga: Lunin, Kepa, Fran.
Masu tsaron baya: Alaba, Nacho, Lucas V., Fran García, Rüdiger, Mendy, Tobias.
Masu buga tsakiya: Bellingham, Kroos, Modrić, Valverde, Ceballos, Mario Martín, Nico Paz.
Masu cin kwallaye: Rodrygo, Joselu, Brahim, Gonzalo.
Wasannin da za a buga ranar Talata:
- PSV Eindhoven da Arsenal
- Lens da Sevilla
- Manchester United da Bayern Munich
- Inter Milan da Real Sociedad
- FC Union Berlin da Real Madrid
- Napoli da Sporting Braga
- Red Bull Salzburg da Benfica
- FC Kobenhavn da Galatasaray
